And-o 31-5-2026!!!! Maśkarthemutno Dombikano/Artistikano Konkùrsi "Romano Amal-Amico Rom" 2026 Poèzia - Naràcia - Teàtro - Fotogràfia Djitripen (Drawing) - Piktùra – Skulptùra - Baśalipen - Vìdeo - Dokumentàro Fìlmi - Edisarde ta bi-edisarde kotorenqiri THAMĂ (REGULÀCIA) E KONKURSESQE 1)And-o konkursi śaj te len kotor savorre avtòra, roma thaj naj roma, themutne e Italiaqe thaj avere Themenqe. E oficiàlo ćhibă si: i ćhib romaní (and-i standardikani fòrma thaj anda jekh aver variànta), espanikani, francikani, anglikani thaj italikani. 2) Sarkon avtòri si te bićhalel po kotor postaça, pal-e kondìcie mothovde anda sarkoj sèkcia, na maj zabades desar o 31/05/2026 k-o organizatòri e konkursesqo: Santino Spinelli Krisăqo Sekretàri, via S. M. Maggiore, 12 -66034 Lanciano (CH) Italia o si te bićhalel p-o email: spithrom@webzone.it 3) E anava e Konkursesqe maśkarthemutne krisnenqere ka oven pindjarde and-o dives e ceremoniaqo, 09/10/2026. So phenel i Kris aćhol. 4) O resultato e Krisaqo ovel avrí ande amare social network. 5) E bićhalde kotora si te mukhlăn ande organizatorienqe vasta kaj te del len avri and-i Antologìa vi odova bi-lovenqo. I Antologìa ka ovel nakhavdi anda buteder ćhibă. 6) O Konkùrsi si putardo e Skolenqe kotar sa e nivèla, publìko thaj privàtno; e bută śaj te aven kotar lenqe siklăvne, save śaj te keren len korkores thaj khetanes. Si te bićhalen vi pumaro anav, sar vi o anav e klasaqo, skolaqo, o forosqo thaj e siklărnenqo. 7) Savorre śaj te den anda sarkoj sèkcia thaj kategòria sar kamen, pokindor pe bakina. 8) Sa e bută save vakeren pal-aver tèma ka irindăn e avtoresqe, bi-pokinde. 9) Sadaj djenal (personally) e luludisarde śaj te kiden e luludă e Konkursesqe. 10) O Konkùrsi si ulavdo anda trin sèkcie thaj deśupandj kategòrie. Sèkcia e Bi-Edisarde Kotorenqiri E bićhalde bută si te oven neve, bi-pinzarde thaj bi-avridine. E avtòra si te bićhalen pe bută tar śov kòpie sarkolàtar and-e kategòrie A, B thaj C, thaj jekh kòpia ande kategòrie D, E thaj F. E kotora si te oven naidine p-i maśìna (daktilogràfia). Sarkon avtòri andar-e kat. A, B, C si te ćhivel, Sadaj jekhe kopiaça, po anav, pi adrèsa, po themutnipen, po telefonesqo gin, po Curriculum Vitae (xarni biogràfia), pi fotogràfia thaj pi semnatura. Kategòria A - Romaní poèzia, lekhli anda varesavi dialèkta thaj and-i ćhib standard. I tèma si mesti. Sarkoj gili (max trin) ka ovel boldini and-i ćhib italikani, francikani, anglikani, espanikani thaj ka ovel xarneder desar 50 satara (lìnie). Kategòria B - Poèzia lekhli and-i ćhib italikani, francikani, espanikani, anglikani lindor sar tèma o romipen. Śaj te bichalden dji ka trin gilă, sarkoj xarneder desar 50 satara (lìnie) Kategòria C - Xarne-dimensiaqi naràcia and-i ćhib romani, italikani, francikani, anglikani, espanikani viz na buteder desar duj riga naidine k-i maśìna (sarkoj rig: 1800 naidimata, viz 30 satara kotar 60 naidimata sarkon). I tèma si o romipen. Kana o kotor si lekhl p-i ćhib romaní trebal somleça jekh vèrsia p-i ćhib italikani, francikani, espanikani o anglikani. Kategòria D - Teatrosqi buti karing-o romipen. I maj feder luludisardi buti ka skenisavel and-e ceremoniaqo dives. Kategòria E - Naràcia, xarni thaj ući, biprindjarde thaj savi ka ovel pal-o romipen. Kategòria F - Djantrilani monogràfia thaj thesi (doktoràto) vaś-o romipen (història, lingvìstika, etnològia, sociològia, thaj kola). Sèkcia e Plastikone Kreaciaqi śaj te ovel and-akaja sèkcia fotogràfia, piktùra, Djitripen thaj skultùra anda sarsavo stìlo, save ka oven vaś-o romipen. E maj feder ka oven avridine and-i Antologìa thaj ka sikavdŏn and jekh maśkarthemutni artistikani eksposìcia. Sarkon avtòri si te ćhivel po anav, pi adrèsa, po themutnipen, po telefonesqo nùmero, po Curriculum Vitae (xarni biogràfia), pi fotogràfia thaj pi semnatura thaj te kerel sa so śaj kaste resen lenqe bută anda śukar kondicija. Kategòria G - Bi-avridino Djitripen. E dimensie nane te oven maj but desar 100 x 70. Savorre śaj te den e Konkursesqe dji ka trin bută save ka oven tar jekh kòpia. Kategòria H - Bi-avridini fotogràfia, kali-parni thaj rangençar (colours), and-e formàte 20x30 thaj 30x45. Savorre śaj te del e Konkursesqe dji ka 5 kotora. Kategòria I - Piktùra thaj skultùra. O konkùrsi śaj te primil jekh fotogràfia e butaqi, savăça ka oven somdino jekh xarno mothovipen vaś-i tèma, i tègnika, o stìlo, o materiàli, e dimènsie, ta aver. Sèkcia Avridine thaj Editisarde Kotorenqiri. Akaja sèkcia perel and-e bută pal-o romipen avridine kotar-o berś 1986 dji avdives, lekhle and-e Konkursesqe ćhibă. Sarkon avtòri si te bićhalel tar jekh kòpia si te ćhivel po anav, pi adrèsa, po themutnipen, po telefonesqo gin, po Curriculum Vitae (xarni biogràfia), pi fotogràfia ta pi semnatura thaj e avridipnasqo dimaberś e butăqoro. Kategòria L - Poeziaqi pustik, p-i ćhib romani thaj aver maśkar-e Konkursesqe ćhibă, anda save si te oven minimum duj gilă pal-o romipen. Kategòria M - Xarni thaj ući artistikani pròza vaś-o romipen. Kategòria N - Teatrosqi kreàcia pal-o romipen. Kategòria O - Djantrikani monogràfi thaj thesi (doctorato) vaś-o romipen (història, lingvìstika, etnològia, sociològia, thaj kola). Kategòria P - Muzikaqi kompozìcia, baśalipen thaj gilaipen, vaś-o romipen, pal-i romaní tradìcia thaj aver (CD, kasèta, dìsko, muzikaqi partitùra). E luludisardenqe anda kaja kategòria ka oveldino o suro te interpretisaren vareso pe kreacia¸ sar and-o jekh maśkarthemutno festivàli savo ka agordel e ceremoniaqo dives. Kategòria Q - Vìdeo thaj filmi (artistikano ja dokumentàro). E maj feder maśkare bută ka oven sikavde and-e ceremoniaqo dives. E Konkursesqe Luludă anda sakoj kategòria, o jèkhto luludisardo ka lel personalisardo denipen (trophy) thaj diplòma. O dùjto luludisardo, thaj vi o trìto, anda sarkoj kategòria ka len personalisarde denipen (thopy) thaj diplòma. Ka oven vi uzalune Luludă: Skolaqi thaj ćhavorrenqi Luludi, Artistikane, Djivipnasqi Luludi thaj i Luludi "Phralipen 2026". E luludisarde ka resen jekh ćaćutni promòcia prdal-i televìzia thaj e gazète ando Them ta avrial. E Konkursesqe Bakina Sarkòla kategoriaqe bakin mol GRATIS Kaste lokăres e maśkarthemutna kriśaqi bută, bićhal tire dombikane (artistikane) kreàcie so maj sig, na śakerindoj dji k-o palutne divesa.
← Torna alla home